سپورټ وزش او تمرین

والیبال ملي لوبډلي په خپله دوهمه لوبه کي بنګله دېش ته ماته ورکړه

اعلان

ليکنه: صابر حميدي

د افغانستان د والیبال ملي لوبډلي په مرکزي آسیايي سیالیو کي خپله دوهمه لوبه پرون سې شنبه د بنګله دېش والیبال ملي لوبډلي ته ۳ پر ۲ ماته ورکړه.

د افغانستان د والیبال ملي لوبډلي په مرکزي آسیايي سیالیو کي خپله لومړۍ لوبه تېره دوشنبه د ترکمنستان والیبال ملي لوبډلي په وړاندي ترسره کړه، چي د یاد هیواد څخه ئې ۳ پر ۱ ماته وخوړه.

افغانستان خپله درېمه لوبه نن چهارشنبه د ازبکستان په وړاندي ترسره کوي.

د مرکزي اسیایي هیوادونو ترمنځ د والیبال دا لوبي تېره دوشنبه د نیپال هیواد په پلازمېنه کتماندو کي پیل سوې او تر ۶ ورځو دوام وروسته راتلونکې اونۍ پای ته رسیږي.

په دې سیالیو کي د افغانستان په ګډون نیپال، ترکمنستان، قزاقستان، ازبکستان، تاجکستان، بنګله دېش، مالدیف او بوتان هیوادونو ګډون کړی.

تر دې مخکي افغانانو په ۲۰۱۴م کال کي په مرکزي آسیایي سیالیو کي درېیم مقام خپل کړی وو.

د لیکوال/ لیکوالې په اړه

محمد صابر حمیدي ، کندهار کې د یاران د کاري ټیم غړی

محمد صابر حمیدي په کندهار کې د یاران د کاري ټیم غړی دی. نوموړې پر دې سربیره د کندهار ولایت د ښوونې او روزنې د پوهنتون د پښتو څانګې د څلورم کال محصل دی او د ” زما“ راډیو خبري برخه کې کار کوي. صابر د فوټبال لوبغاړی دی. یاران ته په سپورټي، ټولنیزو او نورو برخو کې لیکنې او مطالب چمتو کوي. په یاران کې د نوموړي د ټولو لیکنو د بیا خپرولو حق له یاران سره خوندي دی.