خواړه روغه سټه

هغه میوه چې قران یې ۱۴ سوه کاله پخوا یادونه کړې، ساینس یې اوس په ګټو قایل شو

لیکنه: ياران

ژباړه او زیاتونه:محمدصادق کریمزی

زیتون تیل د لوړ فشار د کنټرول او د زړه ناروغیو لپاره ښه درمل.

د لندن د هارټ فاونډیشن روغتیایي ادارې په خپله نوې څيړنه کې موندلي د زیتون تیل زيتون چې د ويټامن اي لرونکې دي د ویني لوړ فشار نارملوي او د زړه له ناروغیو مو ژغوري.

څيړونکو چې خپله نوې څيړنه لومړی په چنګښو او بیا په انسانانو ترسره کړې، دې پایلې ته رسیدلي چې زیتون تیل د ویني لوړ فشار په ډيره اسانۍ سره ښکته کوي.

څيړنه کاږي؛ دانسان په بدن کې د مالګو په زیاتوالي سره په وجود کې کولیسټرول پيدا کیږي او په پاې کې انسان د مختلفو ناروغیو سره مخ کوي چې د زیتون تیلو په استعمال سره د بدن مالګې کمیږي او د ناروغیو مخه نیسي.

په یوه بله څيړنه کې چې په چین کې ترسره شوې راغلي، زیتون تیل که په پوستکي وموښل شي یا د سلاد (سلات)په شکل وخوړل شي، دویښتانو د سپينوالي، تویېدو، د پوستکي د ګونځو، د پوستکي سرطان او د زخم د پړسوب لپاره په زړه پورې درمل دي.

یو شمیرروغتیا پالان بیا له پورته ګټو سره سره زیتون تیل د قبضیت ناروغۍ، د کولمو درملنې او پوستکي ته ډير ګټور یادوي، خو توصیه کوي چې باید په تشه معده ونه خوړل شي.

د لیکوال/ لیکوالې په اړه

ياران