ياران
له ژوند سره تړلې خبرې

مجیب ځدران د بي پي ایل سیالیو کې د ګډون په موخه بنګله دیش ته تللی

د افغانستان د کرکټ ۱۹ کلنې ملي لوبډلې ځوان لوبغاړي مجیب ځدران د بنګله دیش په کورني کرکټ غوره لیګ سیالیو کې د لوبیدو موقع ترلاسه کړه.

د افغانستان د کرکټ بورډ د معلوماتو له مخې د ۱۹ کلنې ملي لوبډلې دې لوبغاړي د بنګله دیش د کورني کرکټ بي پي ایل په نامه سیالیو کې د افغان لوبغاړي محمد نبي عیسی خیل او راشد خان په نشتون کې د کمیلا ویکټورینز لوبډلې کې د لوبیدو موقع ترلاسه کړه.

په اندریوډ ټیلفون کې له دې ځایه یاران اپ ښکته کولی شئ. او د انټرنیټ په کمه ډیټا د یاران لیکنې لوستلی شئ

د کرکټ بورډ د معلوماتو له مخې، د افغانستان د کرکټ ملي لوبډله د انټر کانټینیټل جام سیالیو په وروستۍ لوبه کې د متحده عربي اماراتو پر وړاندې د روانې نوامبر میاشتې په ۲۹ مه نيټه د راتلونکې چهار شنبې په ورځ د سیالۍ ډګر ته وځي، چې په دغې مهمې لوبه کې د ګډون په موخه دواړه افغان لوبغاړي محمدي نبي عیسی خیل او راشد خان بیرته د ملي لوبډلې سره یو ځای کیږي، چې محمد نبي هېواد ته راستون شوی دی او راشد خان به هم ډیر ژر د ملي لوبډلې سره یو ځای شي.

د راشد خان پر ځای دغه لیګ سیالیو کې د ګډون په موخه ځوان لوبغاړي مجیب ځدران ته د لوبیدو بلنه ورکړل شوې، چې د سیالیو ترسره کیدو په موخه بنګله دیش ته ولاړ.

مجیب ځدران د بي پي ایل سیالیو کې وروسته له هغې د لوبیدو چانس پیدا کوي، چې په دې وروستیو کې یې د ۱۹ کلنو په اسیايي جام سیالیو کې ښه وځلید او په ۵ لوبو کې یې ۲۰ لوبغاړي وسوځول.

نوموړی په همدغې بهترینې کارکردګۍ سره د اسیايي جام غوره لوبغاړی وټاکل شو او په خپل شتون کې یې افغان لوبډله د دغه جام اتلولۍ ته ورسوله.

تبصرې
Loading...