کلتور او هنر

شارخ خان په ډان۳ او سلمان خان په دبنګ۳ فلم کار کوي

یاران اپ په ګوګل پلی سټور کې یاران په ګوګل پلی سټور کې

یاران اپ په ایفون اپ سټور کې  یاران په ایفون اپ سټور کې 

د بالیووډ باچا شارخ خان د ډان فلمونو دریمه برخه جوړوي. د ډان فلم دوهمه برخه پوره ۷ کاله مخکې شارخ خان او پرینکا چوپړا په ګډه جوړه کړې وه.

د فلم پروډیوسر ریتش سیدواني ویلي، چې ډان۳ فلم سکریپټ تیار دی او شارخ خان به د فلم هیرو وي؛ خو دا ځل به پرینکا چوپړا په دې فلم کې نه وي.
داسې خبرونه هم ورکړل شوي وه، چې شاید ډیپیکا پاډوکون د پرینکا چوپړا په ځای په ډان۳ کې د شارخ خان سره ګډه ولوبیږي.

ښاغلي ریتیش دا رد کړه، چې ګنې ډیپیکا پاډوکون د ډان۳ فلم برخه ده، اما د پرینکا چوپړا په اړه يې څه ونه وویل.

بل پلو رامیش بلا چې د فلمونو تجارتي څیړونکی دی ویلي، چې نه هم پرینکا او نه هم ډیپیکا پاډوکون د ډان۳ فلم برخه ده؛ بلکې په ځای به يې یوه نوې څیره رامخ ته شي.

د فلم د شوټینګ چارې به په ۲۰۱۹ کال کې پیل شي او زیاته برخه به يې په دوبۍ او ابي دوبۍ کې جوړه شي.

د ډان فلمونو لومړۍ برخه په ۲۰۰۶ کال او دوهمه برخه یا ډان۲ په ۲۰۱۱ کال کې خپره شوه. ډان د جرمي – اکشن ژانر فلم دی، چې د شارخ خان له کامیابو فلمونو څخه ګڼل کیږي.

د سلمان خان دبنګ۳:
بل پلو سلمان خان سږ کال پلان لري، چې د ریس۳ فلم سربیره دبنګ۳ فلم هم خپور کړي.

سلمان خان ته ځینو نژدې سرچینو ویلي، چې د دبنګ۳ فلم شوټینګ به راتلونکې اکټوبر میاشت کې پیل شي.

سلمان خان اوس د ریس۳ فلم لپاره په شوټینګ بوخت دی. ریس۳ د سلمان خان او جاکلین فریننډیز ګډ فلم دی، چې روان کال په اختر کې به خپور شي.

دبنګ د سلمان خان کامیابو فلمونو لړۍ ده، چې لومړی هغه يې په ۲۰۱۰ او دوهم (دبنګ۲) يې په ۲۰۱۲ کې خپور شو. دبنګ۲ کې د بالیووډ نوموتې اداکاره سوناکشي سینا له سلمان خان سره یوځای لوبیدلې.

د سلمان خان وروستی فلم ټایګر زنده هی و، چې له کټرینا کیف سره يې په ګډه جوړ کړی او د ډیسمبر په وروستیو کې خپور شو. ټایګر زنده هی د سلمان خان او کټرینا یو له کامیابو فلمونو څخه و.

له فیسبوک تبصرې

تبصرې

د لیکوال/ لیکوالې په اړه

تورپیکۍ سادات