سپورټ

سپین غر زون د فرسټ کلاس سیالیو لمړۍ بریا خپله کړه

یاران اپ په ګوګل پلی سټور کې یاران په ګوګل پلی سټور کې

یاران اپ په ایفون اپ سټور کې  یاران په ایفون اپ سټور کې 

د افغانستان کرکټ بورډ او د کرکټ نړیوالې شوره سره ثبت د لمړۍ درجه فرسټ کلاس دویم پړاو پیل شویو سیالیو کې سپین غر زون لوبډلې د کابل ګرین لوبډلې ته ماتې ورکړه.
د دواړو لوبډلو ترمنځ د مارچ میاشتې په لمړۍ نېټه د ننګرهار په غازي امان الله خان لوبغالي کې لمړۍ لوبه پیل شوې وه، چې پکې سپین غر زون لوبډلې د کابل ګرین لوبډلې خلاف بریا خپله کړه.

سپین غر لوبډلې په لمړۍ توپ وهنې د نجیب ترکي د ۵۹ او اکرام علي خیل د ۳۹ منډو جوړلو سره ټولې ۲۱۷ منډې جوړې کړې، چې کابل ګرین لوبډلې یې د لمړۍ پاڼۍ په ځواب کې ۲۲۲ منډې جوړې کړې او د ۵ منډو مخکې والي سره یې د لمړي اننګز ۶ پواینټونه هم خپل کړل.

سپین غر زون لوبډلې په خپلې دویمه پاڼۍ کې د زاهد الله خان د نیمه سلیزې ۵۳ منډو او بهیر محبوب د ۳۴ منډو جوړولو سره دویم ځل ټولې ۲۴۳ منډې جوړې کړې او کابل ګرین لوبډلې ته یې د ۲۳۹ منډو هدف ورکړ، خو کابل ګرین لوبډله په دویمه پاڼۍ د هدف په لاسته راوړلو کې پاتې راغله او سیالي د سپین غر زون خلاف د ۲۹ منډو په توپیر سره وبایلله.
په سیالۍ کې قیس احمد په دواړو اننګزونو یا پاڼیو کې د ۱۰ ویکټو په اخیستو سره د لوبې غوره لوبغاړی وټاکل شو.

د ۲۰۱۸ م کال د فرسټ کلاس سیالۍ چې د افغانستان د کرکټ په تاریخ کې د دویم ځل لپاره ترسره کیږي، پکې د کابل ګرین، سپین غر، بند امیر، امو، بوسټ او میس عینک زونونو لوبډلې شاملې دي.

د دویم پړاو فرسټ کلاس دې سیالیو په لمړۍ ورځ کابل ګرین د سپین غر، بند امیر د امو او بوسټ زون لوبډله د میس عینیک پر وړاندې د لوبې ډګر ته تللې وې، چې په کنړ او خوست لوبغالو کې د بند امیر او امو زون ترڅنګ د میس عینیک او بوسټ زونونو ترمنځ لوبې د باران د اورښت او ټاکلو ورځو د پای ته رسیدو له کبله مساوي پای ته ورسیدې.

د کرکټ فرسټ کلاس ( څلور ورځینۍ ) هغه سیالۍ دي، چې د کرکټ نړیوالې شورا سره د لمړۍ درجې د لوبو حیثیت لري او د هر لوبغاړي ریکارډ د نړیوالو لوبغاړو په څیر د کرکټ نړیوالې شورا او د هغه هېواد کرکټ بورډ سره ثبت کیږي او هر لوبیدونکی لوبغاړی لکه د نړیوال لوبغاړي په څیر حقوق لري.

د یادونې وړ ده، چې د فرسټ کلاس سیالیو دویم پړاو لوبې د روانې مارچ میاشتې په لمړۍ نېټه د ننګرهار په غازي امان الله خان، د کنړ او خوست لوبغالو کې پیل شوې او د مۍ میاشتې تر ۶ مې نېټې پورې به دوام وکړي.

له فیسبوک تبصرې

تبصرې

د لیکوال/ لیکوالې په اړه

احسان الله ساپی