رسنۍ سپورټ نړیوال کرکټ

سټېن هم ټېسټ کریکټ پرېښود

اعلان

لیکنه:بهار سمسور

ډیل سټېن هم سپین لباس اغوستل او سور رنګ توپ ګزارول پرېښودل

په دوه اونیو کې دا دریم چټک توپ اچونکی دی،چې د پینځه ورځو کریکټ لوبه پریږدي.تر ډیل سټېن مخکې د پاکستان دوه چټکو توپ اچونکو محمد عامر او وهاب ریاض یو په بل پسې ازمایښتي پینځه ورځینیو لوبو ته استعفأ ورکړه.

د جنوبي افریقا لپاره په ټېسټ فارمټ کې د زیاتو ویکټو اخیستونکی سټېن به له دې وروسته د جنوبي افریقا لپاره په سپین لباس کې سور رنګ توپ ګزار نه کړي.

“له نن وروسته زه له ټېسټ کریکټ څخه جلا کېږم،زه ورسره مینه لرم.زما په فکر ټېسټ کریکټ یوه مهمه برخه د کریکټ لوبې ده،ټېسټ دماغي،جسمي او هیجاني برخه ښکاره کوي،ګرانه ده چې چې ترې مخ واړول شي،دا زما فیصله ده چې نور ټېسټ کریکټ نه کوم.

غواړم زیات کار په یو ورځینیو او شل اوریزه لوبو وکړم.”

ښی لاسي چټک توپ غورځونکي سټېن د لومړي ځل لپاره په ۲۰۰۴ کال کې لومړۍ ټېسټ لوبه په خپل کوربه توب په پارت ایلزابت کې د انګلستان خلاف وکړه،چې تر پرونه یې په ۹۳ ټېسټ لوبو کې ۴۳۹ لوبغاړي وسوځول،خو هغه وعده یې پوره نه کړه،چې په ټېسټ کریکټ کې به ۵۰۰ ویکټې پوره کوي.

“زه نن باید له هر یو مننه وکړم،نه له یو شخص، هر یو څخه مننه، ځکه هر چا زما سره په دې سفر کې همکاري کړه ده.زه به په کم اوریزه لوبو کې له تاسو سره وم.”

سټېن په یوه پاڼۍ کې د ۵۱ منډو په بدل کې د اووه ویکټو اخیستل د ځان لپاره غوره لوبه ثبت کړې ده.

نوموړی له جسمي اړخه پوره فېټ لوبغاړی دی،خو نسبت نورو ته زیات زخمي کيږي،چې ممکن د ټېسټ کریکټ استعفأ علت یې یو دا هم وي.

ډیل سټېن په یو ورځینیو لوبو کې ۱۹۶ او په شل اوریزه لوبو کې بیا ۶۱ لوبغاړي سوځولي دي،چې د نوموړي مینوال به اوس سټېن یوازې په یو ورځینیو او شل اوریزه لوبو کې وګوري.

د لیکوال/ لیکوالې په اړه

بهار سمسور - خوست کې د یاران ټیم غړی