ياران
له ژوند سره تړلې خبرې

سعودي عربستان په سپیڅلو ځایونو کې د عکسونو پر اخیستو بندیز لګولی

د سعودي عربستان په مقدسو ځایونو کې پر خلکو د سیلفي انځورونو او نورو عکسونو او ویډیوګانو د اخیستو بندیز لګولی دی.

د سعودي عربستان د حکومت د اعلان له مخې، له دې وروسته به هیڅ کس ته اجازه نه ورکوي، چې په پاکو او مقدسو ځایونو کې عکسونه واخلي.

په اندریوډ ټیلفون کې له دې ځایه یاران اپ ښکته کولی شئ. او د انټرنیټ په کمه ډیټا د یاران لیکنې لوستلی شئ

په نړیوالو رسنیو کې د خپرو شویو راپورونو له مخې په دې اړه د سعودي د بهرنیو چارو وزارت د ډیپلوماټیکو چینلونو له لارې په بیلابیلو هیوادونو کې د هغو ادارو چې سعودي ته د حج لپاره د حاجیانو استول سنبالوی معلومات ورکړي دي.

معلوماتو له مخې، د سعودي حکومت د بهرنیو چارو وزیر د نوامبر میاشتې په ۱۲ مه نیټه اعلان کړی دی، چې د حج او عمرې ترسره کولو پر مهال د اسلام په دوه سترو مقدسو ځایونو د مکې مکرمې په مسجد الحرم او د مدینې منورې په مسجد نبوي کې د حاجیانو لخوا انځورونه اخیستل منع شوي دي.

د معلوماتو له مخې ویل شوي، د سعودي عربستان حکومتي چارواکو دا کار د دې په خاطر کړی، چې د اسلام د مقدسو ځاینو ساتنه وکړي او همدا راز هغه خلک چې د عبادت په موخه دغه ځایونو ته ورځي، ورته مزاحمت ونه شي.

هر کال د نړۍ ګوډ ګوډ څخه میلونونه مسلمانان د اسلام د پنځم رکن یا بناء (حج) او یا عمري د ترسره کولو په موخه سعودي عربستان ته ورځي، چې ګڼ شمیر حاجیان هلته په ځینو مقدسو ځاینو کې د یادګار په موخه انځورونه اخلي، خو اوس خبره د یادګار پر ځای د ټولنیزې شبکې فیسبوک پاڼې ته د پورته کولو یوه برخه هم ګرځیدلې ده.

تبصرې
Loading...