کلتور او هنر

روان کال رنویر سینګ او ډيپکا پاډوکون واده کوي؛ مینوال سخت په تمه دي

لیکنه: اوبوکر علیزی

رپوټونه وایي چې د روان ۲۰۱۸ کال تر پایه به د هندي سینما(بالیوډ) د دوو مشهورو اداکارانو چې جوړه یې هم د ډېرو مینوالو په زړونو کې ځای لري د دواده مراسم تر سره شي.

دغه جوړه د رنویر سینګ او ډیپکا پاډوکون ده چې مینوال یې د واده د خبر اوریدو لپاره انتظار باسي.

اوس رپوټونه وایې ممکن د دواړو ستورو واده د روان کال تر پایه تر سره شي.

د هندوستانۍ ویب پاڼې ممبئی مرر د خبر له مخې، رنویر سګهـ او ډيپکا پاډوکون به د روان کال تر اخره د هندوستان د کلتور او رواج سره سم واده وکړي.

له دې وړاندې هم د دوی دواړو د واده خبرونه خپاره شوي وه، مخکې د دوی د واده نیټه د روان ۲۰۱۸ کال جون او یا جولائ ټاکل شوې وه خو اوس رپوټونه وایي چې ممکن د دغه میلادي کال تر اخره تر سره شي.

خبرونه وایي چې د دواړو فلمي ستورو کورنیو سره هم د دواده د نیټې د معلومولو لپاره سره تېره اوونۍ کتلي او په خپلو منځو کې يې د واده د ترسراوي په تړاوو سره خبرې اترې کړي دي.

ویل کیږی دواړو کورنیو د واده د تر سره کولو لپاره د سټمبر او ډسمبر تر منځ ټاکلې ده.

د رنویر سنګهـ او ډپيکا پاډوکون کورنیو د واده د کولو لپاره سر له اوسه په تیارۍ بوختي دي او په دې غور کوي چې دغه خوشحالي په هندوستان او که یې له هندوستانه بهر تر سره کړي.

د رنویر سنګهـ او ډیپکا پاډوکون د واده خبرو اترو لپاره د خپلوانو سربېره یوازې نژدې دوستان هم دعوت شوي چې هڅه کوي شوې خبرې اترې له رسنیو څخه پټې وساتل شي.

د دغه خبر په خپرولو سره د دغه فلمي جوړې مینوالو خوښۍ څرګندې کړي او ځینو یې ویلي وخت یې دی چې د دوی د واده نېټه اعلان شي.

د لیکوال/ لیکوالې په اړه

ابوبکر عليزی