سپورټ

راشد خان له بیګ باش څخه (د مخکښ ویکټ اخیستونکي) لقب سره رخصت شو

یاران اپ په ګوګل پلی سټور کې یاران په ګوګل پلی سټور کې

یاران اپ په ایفون اپ سټور کې  یاران په ایفون اپ سټور کې 

د افغانستان د کرکټ ملي لوبډلې ځوان لوبعاړی راشد خان چې په اوسني کرکټ کې په ګوګلي ماسټر مشهور شوی دی؛ د اسټرالیا په کورني کرکټ بیګ باش ۲۰ اوریزه سیالیو کې یې خپلې لوبې پای ته ورسولې.
افغان لوبغاړي راشد خان د بیګ باش په ۲۰ اوریزه کرکټ تجارتي سیالیو کې د لمړي ځل لپاره ګډون کړی و، چې د اډلایډ سټرایکرز لوبډلې سره ولوبید.

اډلایډ سټرایکرز يه یوه ټویټ کې له راشد خان ډیره مننه کړې او د ښه سفر دعا یې ورته کړې

د هندوستان د «آي پي ایل» ۲۰ اوریزه کرکټ تجارتي سیالیو په لسم پړاو کې د لوبیدو وروسته راشد حان ته د اسټرالیا د بیګ باش سیالیو کې د لوبیدو وړاندیز وشو، چې خپل ګډون یې کامیاب ثابت کړ.
نوموړي په خپل لمړي ځل ګډون سره د اډلایډ سټرایکرز لوبډله په خپل شتون کې تر پای لوبې ورسوله، خو د زیمبابوې خلاف د افغانستان کیدونکو ۲۰ اوریزه او ۵۰ اوریزه سیالیو کې د ګډون په موخه پرون بیرته متحده عربي اماراتو ته ولاړ. نوموړي د خپلې ټویټر پاڼې څخه ټویټ کړی دی، چې د بیګ باش لیګ کې یې د خپلې ملي لوبډلې د سیالیو له کبله لوبې پای ته ورسولې او پای لوبه کې به ګډون ونکړي.

راشد خان پر ټویټر لیکلي؛ چې د بیګ باش لیګ کې یې د خپلې ملي لوبډلې د سیالیو له کبله لوبې پای ته ورسولې

راشد خان د اسټرالیا د کورني کرکټ په دې غوره لیګ سیالیو کې د مخکښ ویکټ اخیستونکي لقب یې هم خپل کړ، چې په ۱۱ لوبو کې د لوبیدو وروسته یې ۱۸ ویکټې واخیستې.
د افغانستان او زیمبابوې د کرکټ ملي لوبډلو ترمنځ د کرکټ ۲ شل اوریزه او ۵ پنځوس اوریزه نړیوالې سیالۍ د کرکټ نړیوالې شورا لخوا برابرې شوي دي، چې د هرې لوبډلې رینکیګ یا درجه بندۍ کې خورا تاثیر لري.
د دواړو افغانستان او زیمبابوې د کرکټ ملي لوبډلو ترمنځ د دې سالیو لړۍ د راتلونکې دوشنبې په ورځ په متحده عربي اماراتو کې پیل کیږي، چې په ژوندۍ بڼه به هم خپرې شې.

له فیسبوک تبصرې

تبصرې

د لیکوال/ لیکوالې په اړه

احسان الله ساپی