سپورټ له نړۍ

د ۲۰۱۹ م کال د کرکټ نړیوال جام به څنګه ترسره کیږي؟

 د کرکټ نړیوالې شورا لخوا د ۵۰ اوریزه سیالیو د کرکټ نړیوال جام سیالۍ په هرو ۴ کلونو کې ترسره کیږي، چې پکې تر دې مهاله ۱۱ پړاونه ترسره شوي دي.

 د کرکټ ۵۰ اوریزه سیالیو نړیوال جام د لمړي ځل لپاره په ۱۹۷۵ م کال کې په انګلستان کې ترسره شو، چې پکې اسټرالیا او ویسټ انډیز پای لوبې ته ورسیدل او ویسټ انډیز پای لوبه کې د اسټرالیا لوبډلې څخه د بریا په خپلولو سره د لمړي ځل لپاره د دغه جام ګټونکې لوبډله شوه.

په دغه نړیوال جام کې د دویم ځل لپاره کوربه انګلستان د ویسټ انډیز سره پای لوبې ته ورسید، چې پکې بیا هم د ویسټ انډیز کرکټ ملي لوبډله د جام ګټونکې شوه.

 

په ترسره شویو ۱۱ پړاونو کې ۵ ځلې اسټرالیا، ۲ ځلې ویسټ انډیز، ۲ ځلې هندوستان او یو یو ځل د پاکستان او سریلنکا لوبډلو د دغه جام اتلولي خپله کړې ده.

 

د راتلونکي ۲۰۱۹ م کال د کرکټ نړیوال جام سیالۍ هم په انګلستان کې ترسره کیږي، چې پکې ۱۰ لوبډلې شاملې دي.

 دغه جام به څه ډول ترسره کیږي ؟

 ګډون کونکې ۱۰ لوبډلې ( اسټرالیا، هندوستان، انګلستان، نیوزیلینډ سریلنکا، پاکستان، جنوبي افریقا، ویسټ انډیز، بنګله دیش او افغانستان ) هره لوبډله به یو ځل د بلې لوبډلې سره مخامخ کیږي، چې هره لوبډله په راونډ کې ۹ لوبې ترسره کوي.

د لمړي راونډ څخه به ۴ هغه لوبډلې چې زیاتې سیالۍ یې ګټلې وي، د نیمه پای لوبې ته به لار پیدا کوي او په دغه پړاو کې ګټونکې لوبډلې به تر پای لوبې رسیږي.

 د کرکټ ۵۰ اوریزه نړیوال جام سیالیو ته ورتګ د افغانستان او ویسټ انډیز لپاره یو څه ډیر ستونزمن و، خو اوس په نړیوال جام کې لوبیدل او مخکې تګ دومره ستونزمن نه دي.

هغه لوبډلې چې پوره چمتوالي سره پکې ګډون کوي او د لوبډلې ترکیب یې د هرې نګاه نه برابر وي، په دغه جام کې به ښې لاسته راوړنې هم ولري، ځکه په لمړي راونډ کې ۹ لوبې ترسره کیږي، چې پکې د ۶ لوبو ګټل یوه لوبډله په اسانۍ سره تر نیمه پای لوبې رسولی شي.

افغانستان د ۲۰۱۸ کال د کولیفای راونډ د فاینل په ګټلو سره کپ ترلاسه کړ

تاسو څه وایاست چې د افغانستان ګډون به څنګه وي ؟

د لیکوال/ لیکوالې په اړه

احسان الله ساپی