سپورټ

د کرکټ ۱۹ کلنه لوبډله د څلورم مقام خپلولو وروسته بیرته هېواد ته راورسیده

یاران اپ په ګوګل پلی سټور کې یاران په ګوګل پلی سټور کې

یاران اپ په ایفون اپ سټور کې  یاران په ایفون اپ سټور کې 

د نیوزیلنیډ په کوربه توب د ۱۹ کلنو ځوانانو د کرکټ په نړیوال جام سیالیو کې د ګډون او څلورم مقام خپلولو وروسته افغان لوبډله بیرته هېواد را ستنه شوه.
د افغانستان د کرکټ بورډ د معلوماتو له مخې، د ۱۹ کلنو ځوانانو د کرکټ ملي لوبډله، چې د تیر کال په ډیسمبر میاشت کې د نړیوال جام سیالیو کې د ګډون په موخه نیوزیلینډ ته تللې وه، په دغه جام کې د څلورم مقام خپلولو وروسته نن بیرته هېواد ته را ورسیده.

د ۱۹ کلنې ملي لوبډلې د تشویق او ښه راغلاست په موخه د کرکټ بورډ چارواکو، د ملي شورا یو شمیرغړو او د کرکټ مینه والو په هوايي ډګر کې د خپلې لوبډلې هرکلی وکړ.
افغان لوبډلې د کرکت نړیوال جام په دې سیالیو کې ۵ لوبې ترسره کړې، چې پکې یې پاکستان، سریلنکا او کوربه نیوزیلینډ ته ماتې ورکړې، خو د همدې جام په سیالیو کې یې د اسټرالیا او ایرلینډ څخه ماتې وخوړې.
که څه هم افغان لوبډله په لمړي پړاو کې د پاکستان او سریلنکا په ماتولو تر کوارټر فاینل او د کوربه نیوزیلینډ لوبډلې په ماتولو سره نېمه پای لوبې ته ورسیده، خو پای لوبې ته د رسیدو په موخه یې په نېمه پای لوبه کې د اسټرالیا لوبډلې څخه ماتې وخوړه او څلورم مقام یې خپل کړ.

ګڼو مینوالو د افغان لوبډلې هرکلی وکړ

د کرکټ کورني او بهرني مبصرین وايي، که څه هم چې افغان لوبډلې د نړیوال جام اتلولي خپله نکړه، خو د پاکستان، سریلنکا او نیوزیلینډ ماتول ورته د نړیوال جام څخه هم ډیر څه دي، چې د افغان لوبډلې یو خوب په حقیقت بدل شو.
دوي وايي، افغان لوبډلې د کرکټ نړیوال جام سیالیو کې نه یوازې لوبډلې حیرانې کړې وې؛ بلکې په کور دننه او بهر کې یې د بې شمیره مینه والو زړونه خپل کړل او ټولو قوي لوبډلو هم د خپل ځان د ماتې یو خنډ ګرځولې وه.

افغان لوبډلې سره بخت یاري ونکړه، نو ځکه خو یې لمړی اسټرالیا ته ماتې وخوړه او له هغې وروسته یې د دریم مقام خپلولو هڅه کې باران خنډ واقع شو او سیالي د لوبڅارانو لخوا لغوه اعلان شوه.
دواړه افغان او پاکستانۍ لوبډلې د ګروپ سیالیو په مرحله کې یو ځای قرار درلود او دویم پړاو ته د تګ پر مهال پاکستانۍ لوبډلې لمړی او افغان لوبډلې د ایرلینډ څخه د ماتې وروسته دویم مقام خپل کړی و، نو پر همدې اساس پاکستان دریم او افغان لوبډلې څلورم مقام خپل کړ.
د ۲۰۱۸ م کال د ۱۹ کلنو د کرکټ نړیوال جام سیالۍ، چې د تیرې جنورۍ میاشتې په ۱۳ مه نېټه په نیوزیلینډ کې پیل شوې وې، د هندوستان په اتلولۍ سره پای ته ورسیدې.

له فیسبوک تبصرې

تبصرې

د لیکوال/ لیکوالې په اړه

احسان الله ساپی