لوبې

د پاکستان سوپر لیګ کې جنجالونه پیل شول

د پاکستان د کورني کرکټ «پي اس ایل» ۲۰ اوریزه تجارتي سیالیو دریم پړاو سیالیو کې د لوبغاړو ترمنځ جنجالونه پیل شوي دي، چې پکې د پیښور زلمي لوبډلې د لوبغاړي وهاب ریاض، د ملتان سلطانز د لوبغاړي احمد شهزاد او د کراچۍ کینګز لوبډلې لوبغاړي محمد عامر ترمنځ لفظي شخړې شوې دي.

د کرکټ نړۍ په مشهوره لیګونو کې وخت ناوخت د مشهوره پیاوړو لوبغاړو ترمنځ یو بل ته د ننګونو په حالت کې لفظي شخړې رامنځ ته کیږي، چې پکې لوبغاړي د لوبې د اصولو د ماتولو له کبله د مختلف ډول مؤیداتو او آن د لوبو د بندیز سره مخ کیږي او هم د لوبغاړو په بد اخلاقۍ سره دلالت کوي.

د کرکټ په ډګر کې ډیر کله د هندوستان او پاکستان د سیالیو د ترسره کیدو پر مهال هم د لوبغاړو ترمنځ لفظي شخړې آن تر فزیکي شخړو رسیدلې دي، چې پکې ډیر کله د هندۍ لوبډلې پخوانی لوبغاړی ګاتم ګمبیر او د پاکستان لخوا عمر اکمل، وهاب ریاض او داسې نور لوبغاړي ښکیل وي.

د پاکستان د کورني کرکټ په روان دریم پړاو سیالیو کې هم پاکستاني لوبغاړي په خپلو کې سره نه دي جوړ او وخت نا وخت یې په سیالۍ کې جنجالونه لیدل کیږي.

د تیرې شپې په سیالۍ کې پاکستانی احمد شهزاد چې د ملتان سلطانز لوبډلې او محمد عامر چې د کراچۍ کینګز لوبډلې لپاره لوبیږي؛ ترمنځ یې لفظي شخړه ترسره شوه، چې پکې یې یو پر بل سترګې را برګې کړې.

په دغه لیګ کې زیات وخت پاکستاني تیز بالران د احمد شهزاد سره په لفظي شخړه کې ښکیليږي، ښآیي دلیل یې دا وي، چې نوموړی د پاکستان د کرکټ ملي لوبډلې برید کوونکی پیلز لوبغاړی دی او ډیر کله چټکه توپ وهنه کوي، چې د بالرانو لپاره بریدګر لوبغاړی هر وخت سر دردی جوړوي.

د «PSL» د پاکستان سوپر لیګ کرکټ تجارتي سیالیو کې دا ځل ۶ لوبډلې لوبیږي، چې ملتان سلطانز لوبډلې پکې د لمړي ځل لپاره ګډون کړی دی.

په ۲۰۱۶ لیګ کې د احمد شهزاد او وهاب ریاض ترمنځ شخړه؛

د پاکستان د کورني کرکټ «پي اس ایل» دا ۲۰ اوریزه سیالۍ په پاکستان کې د امنیتي ستونزو له کبله د پاکستان پر ځای په متحده عربي اماراتو کې ترسره کیږي، خو د تیر دویم پړاو راهیسې د پاکستان کرکټ بورډ چارواکي او حکومت هڅه کوي، چې د دې لیګ وروستۍ سیالۍ په پاکستان کې ترسره کړي.

د معلوماتو له مخې، د دې لیګ د تیر دویم پړاو وروستۍ لوبه د پاکستان په لاهور کې ترسره شوه، خو دا ځل ویل کیږي، چې د ټورنمنټ وروستۍ ۳ مهمې لوبې به د پاکستان په لاهور او کراچۍ کې ترسره شي.

تر دې مهاله په ترسره شویو دوو پړاونو کې د لمړي ځل لپاره د اسلام اباد یونایټیډ او د دویم ځل لپاره د پیښور زلمي لوبډلې د اتلولۍ جام خپل کړی دی.

له فیسبوک تبصرې

تبصرې

var adUnits = [{ code: 'div-gpt-ad-1', sizes: [[300, 250]], bids: [{ bidder: 'audienceNetwork', params: { placementId: '607950352901785_607968806233273', testmode: false, format: 'native' } }] }];

د لیکوال/ لیکوالې په اړه

احسان الله ساپی