سپورټ نړیوال کرکټ

د هندۍ لوبډلي مهمي ويکټي سپينرانو ترلاسه کړې.

لیکنه: مدثر دعوت

ليکنه: مدثر دعوت

افغان سپينرانو د هند ۵ ويکټي ترلاسه کړې.

تيره شپه د نړيوال جام په لړ کي د افغانستان او هندوستان ترمنځ زړه راکښوونکې لوبه ترسره سوه.

لوبه تر وروستيو شيبو ورسيدله خو تر وروستي اوور پوري دا نه وه مالومه چي څوک به لوبه ګټي.

هندوستان په ۸ ويکټو افغانستان ته ۲۲۵ منډي هدف ورکړ،خو افغانستان د ۱۱ منډو په توپير وبايلله.

تر ټولو ډيره جالبه داده چي هندوستان په روان نړيوال جام کي د افغانستان تر لوبي وړاندي هيڅ توپوهونکی د سپينر په وړاندي له لاسه نه وو ورکړی.

خو د افغانستان سپينرانو وکولای سوله چي د هند ۵ ويکټي ترلاسه کړي.

لوکيش راهول،روهيت شرما،ويرات کهولي، مهندراسينګ ډهوني،او ويجی شنکر په څير مهم لوبغاړي سپينرانو وسوځوله.

مجيب الرحمن په لومړيو اوورونو کي د خطري توپوهونکي روهيت شرما ويکټ ترلاسه کړه او پرې يې نه ښووی چي د راهول سره ملګرتيا جوړه کړي.

ورپسې محمدنبي د لوکيش راهول او ويرات کهولي ويکټي ترلاسه کړې.

رحمت شاه د ویجی شنکر ويکټه ترلاسه کړه او راشدخان بيا د مهندراسينګ ډهوني ويکټه واخيستله.

په عموم کي افغان سپينرانو هندۍ لوبډله راوګرځوله خو په وروستيو اوورونو کي ګلبدين نائب ۲ او افتاب عالم هم يوه ويکټه ترلاسه کړه.

سبا افغانستان د بنګلديش سره لوبه کوي.

د لیکوال/ لیکوالې په اړه

مدثر دعوت

مدثر دعوت هلمند میشتی ژورنالیست دی. د یاران لپاره په سپورټي او نورو برخو کې لیکنې کوي. په یاران کې د ښاغلي دعوت د لیکنو د بیا خپراوی حق له یاران سره خوندي دی.