کلتور او هنر

د هندي فلمونو افسانوي ستورې سريديوې مړه شوه

یاران اپ په ګوګل پلی سټور کې یاران په ګوګل پلی سټور کې

یاران اپ په ایفون اپ سټور کې  یاران په ایفون اپ سټور کې 

د بالیوډ افسانوي او ښکلې لوبغاړې سریدوي نن له نړۍ سترګې پټې کړې.

راپورونه وايي چې دا نامتو اکټره په دوبۍ کې وه چې د سینې په قفس کې د سخت درد تر شکایت وروسته یې ساه ورکړې. ګومان کیږي چې نوموړې د زړه سختې حملې وژلي وي.

د سریدوي لېور سنجي کپور د نوموړې د مړینې خبر تایید کړی دی.

نوموړې ۵۴ کلنه وه او په لسګونه فلمونو کې یې ډیر مشهور رولونه لوبولي دي.

ویل کیږي چې سريدیوي د خپلې یوې کشرې لور خوشي او خاوند بوني کپور سره دوبۍ ته د خپلوانو په یو واده کې د ګډون لپاره تللي وه، چې هملته پرې د زړه حمله راغلې او مړه شوې ده.

ویل کیږي چې دا مهال په ممبيي کې د سريدیوي د کور شا او خوا د نوموړې مینه والو او خواخوږي د تعزیت لپاره راټول شوي دي. د هندي رسنیو د راپورونو ترمخه دا مهال په ممبيي کې د هغې مشره لور جانوي پاتې ده، چې د یو فلم د شوټینګ په خاطر له نورې کورنۍ سره دوبۍ ته نه وه تللې.

سریدوی د شري اما په نوم زیږیدلې وه او خپل لومړی کار یې له تامیلې، ټیلګو، او ملایلم ژبو له فلمونو پیل کړی وو.

نوموړې د ماشومې اکټرې په توګه کار پیل کړی او د هند په سینما کې د لومړنۍ ښځینه سوپرسټار په توګه وځلیده. د هند حکومت نوموړې ته په ۲۰۱۳ م کال کې پادما شري ایوارډ ورکړ چې ددې هیواد څلورم تر ټولو لوړ ملکي ایوارډ دی.

د هند د سینما دې افسانوي اکټرې د چاندني، لمحې، مسټر اینډیا، نګینا، خدا ګواه، او په ۱۹۹۰ کلونو کې په نورو غوره فلمونو کې د بهترین کار له کبله د میلونو خلکو زړونه کټلي وي.

نوموړې څه وخت له سینما لرې وه خو په دې وروستیو کې بیرته سینما ته ستنه شوه، په ۲۰۱۷ م کال کې یې اینګلیش وینګلیش فلم د خلکو ډیر خوښ شو. د هغې وروستی فلم مام ( مور ) و .

د هغې په اړه په هندي رسنیو کې په دې وروستیو کې د پلاستیکي جراحۍ راپورونه خپریدل.

له فیسبوک تبصرې

تبصرې

د لیکوال/ لیکوالې په اړه

تورپیکۍ سادات