سپورټ نړیوال کرکټ

د زيمبابوې د کريکټ لپاره یو بل بد خبر!

لیکنه: مدثر دعوت
اعلان

ليکنه: مدثر دعوت

وروسته له هغې چي د کريکټ نړيوالي شورا له لوري د زيمبابوې د کريکټ ملي لوبډلي بشپړ غړيتوب وځنډول سو،ورځ په ورځ د میدان څخه وزي.

سيريزونه يې لغوه سوه او دادی اوس د نړيوال جام څخه هم محرومه سوه.

د کريکټ نړيوالي شورا په يوه نوي خبرپاڼه کي خبر ورکړ چي د راتلونکي شل اووريز نړيوال جام د غوراوي سياليو کي به د زيمبابوې پرځای نا يجريا ولوبيږي.

د کريکټ نړيوال جام لپاره به نايجریا،عربي امارات، هنکانګ،ايرلينډ،جرسي، کينيا،نیمیبیا،نیدرلینډ،عمان،پاپو نیو ګیني، سنګاپور او سکاټلينډ د غوراوي سيالۍ ترسره کوي،او له دوی څخه به ۲ لوبډلي نړيوال جام ته لار پيدا کوي.

همدارنګه د ښځينوو نړيوال جام کي به د زيمبابوې پرځای د نيميبيا لوبډله ولوبيږي.

د کريکټ شل اووريز نړيوال جام په راتلونکي ۲۰۲۰ز کال کي په اسټراليا کي ترسره کيږي.

د لیکوال/ لیکوالې په اړه

مدثر دعوت

مدثر دعوت هلمند میشتی ژورنالیست دی. د یاران لپاره په سپورټي او نورو برخو کې لیکنې کوي. په یاران کې د ښاغلي دعوت د لیکنو د بیا خپراوی حق له یاران سره خوندي دی.