سفر

د بلغاریا هغه سیمې چې ډېر سیلانیان ورځي

ژباړه: حمیدالله حمیدي

بلغاریا د بالکان په ټاپو وزمه کې پروت هېوا دی چې د اروپا په ختځه برخه کې راځي او شاوخوا یې تورې بحیرې چاپېره کړې ده. دا چې دغه هېواد ډېره پخوانۍ مخینه لري، له همدې کبله په کې تاریخي سیمې او ځایونه هم ډېر دي چې په کلني ډول ترې ګڼ شمېر سیلانیان لیدنه کوي. له موږ سره اوسئ په دې لیکنه کې مو یې درته ځینې جذاب او په زړه پورې ځایونه معرفي کړي دي:

۱- وارنا (Varna) د بلغاریا یو په زړه پورې ځای

وارنا (Varna)د بلغاریا یو په زړه پورې ځای

وارنا د بلغاریا یو تاریخي ښار دی، چې هر کال یې زرګونه سیلانیان لیدو ته ورځي. دغه شمېره بیا په اوړي کې بیخي زیات وي. که د تاریخي ځایونو له لیدو سره مینه لرئ، نو بلغاریا ته په تګ سره مو دا تاریخي ځای له یاده ونه وځي. د وارنا سواحل بل هغه ځای دی چې ګڼ سیلانیان ورځي، ځکه په دې سیمه کې هر ډول سمندري خواړه په پیدا کېدای شي.

۲- وِلیکو تارنُوو (Veliko Tarnovo)

وِلیکو تارنُوو (Veliko Tarnovo)

ولیکو تارنوو د بلغاریا هېواد په شمالي غرونو کې پرته سیمه ده چې د تزاریانو د افسانو د ښار په نامه هم شهرت لري. اېس ته ورته رودخانه یا نترا دغه ښار په دوو برخو وېشلی. ددغه ښار کوچنۍ کوڅې په تېږو پوښل شوې دي او کورنه یې نیم له لرګیو جوړ شوي دي چې د منځنیو پېړو او په بلغاریا کې د دویمې امپراطورۍ ښکارندویي کوي.

۳- صوفیه (Sofia)

صوفیه (Sofia)

صوفیه د بلغاریا پلازمېنه او د څلوېښتو تاریخي ځایونو درلودنکی ښار دی. تاسو کولی شی په دې ښار کې د مختلفو دورو له تاریخي ځایونو څخه لیدنه وکړئ. د بېلګې په توګه د پخواني شوروي اتحاد یادښتونو او د سردیکا د کلا له پاتې شونو څخه.

۴- بِلوگِرادچیک (Belogradchik)

بِلوگِرادچیک (Belogradchik)

د بلو ګراد چیک ښار د بالکان غرونو په شمالي برخه کې پروت دی او د خپلو عجایو له کبله چې لري یې نړیوال شهرت یې خپل کړی دی. دغه لویې لویې ډبرې او بېرکې د لوګراد چیک په نامه یادېږي چې بېلا بېل شکلونه او ډولونه لري. داسې ویل کېږي چې ددغه توږل شویو ډبرو تاریخي مخینه ان د رومیانو زمانې ته ورګرځي.

۵- پِرپِریکون (Perperikon)

پِرپِریکون (Perperikon)

د پرپریکون تاریخي سیمه چې ځانګړې توږل شوې لویې ډبرې په کې د کنوني کاردزهالي ښار په ۱۵ کیلومترۍ کې پرته ده او په بالکان جزیره کې بل داسې ښایسته ځای نه تر سترګو کېږي. په دې ځای کې به داسې تاریخي ځایونو او توږل شوې ډبرې وویني چې مخینه یې ان د سکندر کبیر زمانې ته ور ګرځي. که له تاریخي ځایونو سره مو جوړه وي او بلغاریا ته ولاړئ، نو ارو مرو یې وګورئ.

۶- نِسِبار (Nessebar)

نِسِبار (Nessebar)

د نسبار ښار بل هغه تاریخي ځای دی چې د بلغاریا د بورګاس په ولایت کې موقعیت لري. دغه تاریخي ښار په ۱۹۸۳ کال کې د خپل تاریخي قدامت له مخکې له یونسکو سره د نړیوال میراث په نوملړ کې شامل او ثبت شو.

د لیکوال/ لیکوالې په اړه

حمیدالله حمیدي

حمیدالله حمیدي په 1388 کال کې په کابل کې د افغانستان تخنیکي او مسلکي زدکړو په انستیتیوت (ATVI) کې د کمپیوټر ساینس ډېپارټمنټ څخه فارغ شوی. له ۲۰۱۱ م کال راهېسې سپوږمۍ راډیو سره دنده پیل کړې.
له سپوږمۍ راډیو سره د کار کولو پر مهال یې د پښتو ادبیاتو د شپې پوهنځی لوستی او په ۱۳۹۶ کال کې د کابل د ښوونې او روزنې پوهنتون د پښتو ادبیاتو له څانګې فارغ شوی. حمیدي پر سپوږمۍ راډیو سربیره له نورو رسنیو سره هم همکاري کوي. په دې لړ کې له څه مودې راهېسې د یاران لپاره هم لیکنې چمتو کوي. په یاران کې د ښاغلي حمیدي د خپرو شویو لیکنو د بیا خپراوي حق د یاران له ادارې سره خوندي دی.