سپورټ

د بایسکل ځغلوني یو لوبغاړی د لوبي پر مهال مړ سو.

اعلان

لیکنه: صابر حميدي

د آس خبري سایټ د راپور له مخي د بلجیم هیواد ۲۲ کلن د بایسکل ځغلوني لوبغاړی د بایسکل ځغلوني په یوه لوبه کي د لوبي پر مهال مړ سوی.

دا بلجیمی لوبغاړی بیورګ لامبرخت نومېدې، چي د پولنډ هیواد د باسیکل ځغلوني دریم پړاو په رسمي لوبو کي ګډون کړی وو.

د ورکړل سوو معلوماتو له مخي، چي یاد لوبغاړي په ۵۰ کیلو مترۍ فاصله کي بایسکل ځغلونه کوله، چي د پولنډ هیواد په یوې باراني سیمه کي ئې بایسکل چپه سو او سر ئې د سړک له غاړي سره په یوه ګولدان کي ومښت، چي سر ئې ضربه وخوړه.

هغه په اول کي ژوندی وو، خو کله چي د شفاخانې ته ورسېد، هلته په شفاخانه کي ئې د سر د ضربې خوړلو له امله ساه ورکړه.

د لامبرخت په نوم د بایسکل ځغلوني دا لوبغاړی ځوان وو او د بلجیم هیواد د راتلونکو تکړه لوبغاړو څخه شمېرل کېدی.

هغه د ۲۳ کلنو ترمنځ په نړیوالو بایسکل ځغلوني لوبو کي د سپینو زرو مډال هم خپل کړی وو؟

دا لومړی ځل ندی، چي د لوبي پر مهال یو لوبغاړی مړ کیږي، بلکي تر دې مخکي په فوټبال، کرکیټ او دې ته ورته نورو لوبو په جریان کي لوبغاړي مړه سوي.

د لیکوال/ لیکوالې په اړه

محمد صابر حمیدي ، کندهار کې د یاران د کاري ټیم غړی

محمد صابر حمیدي په کندهار کې د یاران د کاري ټیم غړی دی. نوموړې پر دې سربیره د کندهار ولایت د ښوونې او روزنې د پوهنتون د پښتو څانګې د څلورم کال محصل دی او د ” زما“ راډیو خبري برخه کې کار کوي. صابر د فوټبال لوبغاړی دی. یاران ته په سپورټي، ټولنیزو او نورو برخو کې لیکنې او مطالب چمتو کوي. په یاران کې د نوموړي د ټولو لیکنو د بیا خپرولو حق له یاران سره خوندي دی.