ټولنیز ژوند ژوند بڼه کورنی ژوند

تر واده مخکي مو دا ۷ پوښتني له ځانو څخه وپوښتئ

د پلوشه فضلي راټولونه

– ولي ډېر خلګ طلاق اخلي؟
ډېر زیات دلایل شته چې په شریک ژوند کې د طلاق اخستني یا ورکولو سبب کیږي. د مثال په ډول: اقتصادي مشکلات٫ په کړه وړو کښي ستونزه، اعتماد، خیانت او داسي نور دلایل دي چي د طلاق سبب کيږي.

ایا کله مو فکر کړی دئ چې د دې ټولو ستونزو یوازینۍ ریښه ناسم انتخاب وي؟
• ایا کولای سو چې د طلاق مخنیوی وکړو؟

بلې، هو. په زیاتو مواردو کښي که تر واده وړاندې د ځان څخه دا ۷ پوښتنې وکړې؛ نو کولای سې چي د یو ناسم واده مخنیوي وکړې.

۱: ایا واقعاً دا کس چي واده ورسره کوې، غواړئ یې که یوازی مو ضرورت دی ؟

ایا واقعاً مقابل کس په دې دلیل غواړئ چي هغه مو ضرورت دی او که په دې دلیل چي د مقابل کس په شتون کي به په ژوند کښي د خوښۍ احساس وکړئ او واقعاً هم د مقابل کس سره مینه لرئ.

۲: ایا د کورنۍ ملګرو او یا د ټولنې فشار دی چي باید واده وکړې؟
ایا ستا د واده دلیل دا دی چي د مقابل کس سره مینه لرې او که یا ستا کورنۍ او د خپلوانو فشار دی چي هغوی ودونه کړي دي نو باید ته هم واده وکړې- که چيري د ټولنې یا کورنۍ د فشار له کبله واده کوې نو ښايي راتلونکی مو ډیر خوښ ونه اوسي. او ددې ډیر امکان شته چې په یوې ناسمې اړیکې کې ښکیل شئ.

۳: ایا واقعاّ مقابل کس غواړئ او یا دا هغه بهترین څوک دی چي باید ژوند ورسره شریک تیرې کړې؟

ایا ستا د واده دلیل دا دی چې فکر کوې مقابل کس بهترین څوک دی چې باید د ځان سره یې ولرې؟ هغه کسان چي دغسي فکر کوي نو واقعاً یوه لویه تېروتنه کوي.

۴: ایا تر اوسه هم بل نفر سره مینه لرې؟
که تر اوسه هم د بل چا سره مینه لرې او د ځینو مشکلاتو له وجي نسې کولای نو په داسي حال کښي هم د بل کس سره واده اشتباه ده تر دې چي مخکینی کس له ذهن ونه باسې.

۵: ایا واقعاً مقابل کس فوق العاده دی او که یا دا د بل چا نظر دی؟
ایا مقابل کس واقعاً هم ستا د خوښۍ وړ دی ستا د خوښۍ سبب کیدای سي؟ او یا که په دې خاطر چي ټول وایي چي دا کس فوق العاده دی نو تاسو هم ورسره د واده نیت کړئ؟

۶: ایا کولای سئ چي د ژوند تر پایه ورسره اوسئ ؟

ایا واقعاً به ورسره یاست که مو جواب مثبت يي نو ادامه ورکړئ.

۷: ایا ارښتونه او باورونه مو سره نژدې دي؟
ډاډمنه کړئ چې ایا یوازې ددې لپاره خو د واده پریکړه نه کوئ چې یو څوک مو په یو نظر خوښ شوی دی. د هغه/ هغې فزیکې بڼه، څیره او ښکلا مو خوښه ده. که څه هم دا مهم څه دي خو دا هم باوري کړئ چې ته او مقابل لوری څومره شریک ارزښتونه لرئ. نظریات مو د ټولنې او ژوند په اړه سره نژدې دي. په کلتوري حساب سره نژدې یئ کنه. که تاسو داسې چاسره د ژوند شریکولو پریکړه وکړئ چې هیڅ شریک ارزښتونه ونه لرئ او یوازې مو د یو بل څیرې خوښې وي، ښايي یو وخت داسې راشي چې په باورونو او ارزښتونو اختلاف ستاسو ریشته زیانمنه کړي.

له فیسبوک تبصرې

تبصرې

د لیکوال/ لیکوالې په اړه

پلوشه فضلي، کندهار میشتې لیکواله