سپورټ نړیوال کرکټ

تر اسټراليا وروسته هندوستان د نړيوال جام نيمه پايلوبي ته لار پيدا کړه.

لیکنه: مدثر دعوت

ليکنه: مدثر دعوت

د کريکټ د نړيوال جام ۴۰مه لوبه د هندوستان او بنګلدیش ترمنځ ترسره سوه.

د لوبي پچه هندوستان وګټله او د توپوهني پريکړه یې وکړه.

د روهيت شرما په سليزه سره هندوستان په ۹ ويکټو ۳۱۵ منډي هدف وټاکی.

لوکيش راحول ۷۷، روهيت شرما ۱۰۴، ریشب پنت ۴۸، او ډهوني ۳۵ منډي وکړې.

د بنګلديش لپاره مصطفیض الرحمن ۵، شکیب الحسن،روبل حسين او سمايا سرکار يوه يوه ويکټه ترلاسه کړه.

د هند د ۳۱۵ منډو هدف په تعقیب تمیم اقبال ۲۲، سمایا سرکار ۳۳، شکيب الحسن ۶۶ او محمد سيف الدین ۵۱ منډي وکړې ، په ۴۸ اوورونو کي د بنګلديش ټول لوبغاړي وسوځيده.

د هند لپاره بونیشور کمار،چاهال او محمدشمې يوه يوه ويکټه ترلاسه کړه،همدارنګه جسپريټ بومرا ۴ او هاردیک پانډيا ۳ ويکټي ترلاسه کړې.

هندوستان وکولای سوله چي د ۲۸ منډو په توپير بنګلديش ته ماته ورکړي،او ويې سول کولای چي نيمه پایلوبي ته لار پيدا کړي.

روهيت شرما د لوبي غوره لوبغاړی سو.

اوسمهال هندوستان د نړيوال جام په جدول کي دويم او بنګلديش اووم ځای لري.

د نړيوال جام په لړ کي نن ماسپښين ۰۲:۰۰ بجې د انګلستان او نيوزلينډ لوبه ده.

د لیکوال/ لیکوالې په اړه

مدثر دعوت

مدثر دعوت هلمند میشتی ژورنالیست دی. د یاران لپاره په سپورټي او نورو برخو کې لیکنې کوي. په یاران کې د ښاغلي دعوت د لیکنو د بیا خپراوی حق له یاران سره خوندي دی.