سپورټ

بند امیر په تاریخي ریکارډ د فرسټ کلاس سیالیو اتلولي خپله کړه

یاران اپ په ګوګل پلی سټور کې یاران په ګوګل پلی سټور کې

یاران اپ په ایفون اپ سټور کې  یاران په ایفون اپ سټور کې 

د افغانستان کرکټ بورډ او د کرکټ نړیوالې شوره سره ثبت د لمړۍ درجې (فرسټ کلاس) څلور ورځینۍ سیالۍ د لمړي ځل لپاره په روان ۲۰۱۷ م کال کې د هېواد د ۵ زونونو په ګډون سره پیل شوې.

په دې سیالیو کې د سپین غر، بوست، بند امیر، آمو او میس عینک زونونو د کرکټ لوبډلو ګډون کړی و، چې پای لوبې ته یې د سپین غر او امو زون لوبډلو لار پیدا کړه.

د فرسټ کلاس دې سیالیو په وروستۍ لوبه کې د بند امیر لوبډلې په لمړۍ توپ وهنې سره ۷۴۷ منډې جوړې کړې، چې سپین غر لوبډله په ځواب کې په ۱۹۶ منډو وسوځیده.

د بند امیر زون د کرکټ لوبډلې د ۵۵۱ منډو ستر توپیر مخکي والي سره سره بیا هم د توپ وهنې لړۍ ته دوام ورکړ او ۲۵۶ نورې منډې یې هم جوړې کړې او سپین غر زون لوبډبلې ته د ۸۰۷ منډو ستر هدف ورکړ، خو سپین غر د لمړۍ پاڼۍ په څیر د لوبې د هدف په ترلاسه کولو کې پاتې راغله او ټولې ۲۷۸ منډې یې جوړې کړې.

په دې سیالۍ کې بند امیر د ۵۲۹ منډو ستر توپیر سره بریا خپله کړه د فرسټ کلاس سیالیو د لمړي ځل اتلولۍ خپلولو ترڅنګ د ۴ لکه افغانیو نغدي جایزه هم وګټله.

د دویم مقام سپین غر لوبډلې د ۲ لکه، د ټورنمنټ غوره لوبغاړي کریم صادق ته ۴۰ زره، غوره توپ وهونکي بهیر محبوب ته ۳۰ زره، غوره بالر او د لوبې غوره لوبغاړي وقار خان ته ۴۰ زره افغانۍ نغدي جایزه ورکړل شوه.

د کرکټ فرسټ کلاس هغه سیالۍ دي، چې د یو هېواد د کرکټ بورډ ترڅنګ د کرکټ نړیوالې شورا سره د لمړۍ درجې د لوبو په توګه شمیرل کیږي او د هر لوبغاړي ریکارډ لکه د یو نړیوال لوبغاړي په څیر ثبت کیږي او هر لوبغاړی د یو نړیوال لوبغاړي په څیر حیثیت لري.

له فیسبوک تبصرې

تبصرې

د لیکوال/ لیکوالې په اړه

احسان الله ساپی