سیاست له نړۍ

امریکا: د یوټیوب مرکزي دفتر مخې ته یوې ښځې برید کړی

لیکنه: ياران

ژباړه: محمد صادق کریمزی

دامریکایې رسنیو په وینا په شمالي کلیفورنیا کې د یوټيوب مرکزي دفتر مخې ته یوې ښځینه برید ګرې د توفانچې په واسطه درې تنه چې یو تن نارینه او دوه تنه ښځینه دي ټپيان کړي او بیا یې ځانوژنه هم کړې.

د فاکس نيوز د راپور له مخې په ټپیانو کې یو تن د برید ګرې ملګری و چې روغتیایې وضیعت یې د اندیښنې وړ دی او دوه تنه میرمنې چې یوه ۳۲ کاله او بله ۲۷ کاله عمرونه لري ټپيان شوې دي.

د سیمې د پولیسو په وینا پيښه د غرمې مهال رامنځته شوې او پولیسو یې په اړه پلټنې پيل کړي.

د پولیسو په باور له بریده وروسته د یوټيوب دفتر مخې ته یو زخمې سړی او یوه میرمن لیدلې او د لومړنیو نښو څخه داسې ښکاري چې ځانوژنه یې کړې.

دوی زیاتوي پيښې ته څیرمه یې دوه تنه نورې ټپي میرمنې هم لیدل شوي، چې د درملنې لپاره روغتون لیږل شوې دي.

د امریکا ولسمشر ډونلډ ټرمپ یاد بريد غندلی او له پولیسو یې مننه کړې چې پر وخت سیمې ته رسیدلي دي.

د یادولو وړ ده چې یوټيوب په ګوګل کمپنۍ پورې تړاو لري او شاوخوا ۱۷ سوه کسان پکې په کار کولو بوخت دي.

له فیسبوک تبصرې

تبصرې

د لیکوال/ لیکوالې په اړه

ياران